Ka-bomberohan sa dakbayan sa Sugbo agi og pagyukbo sa mga bombero nga nakalas sa nahitabong pag-ulbo didto sa Beirut, Lebanon

Metro News

Cebu City – Nihimo og mahinungdanon nga kalihukan kabomberohan sa dakbayan sa Sugbo agi og pagyukbo sa mga bombero nga nakalas sa nahitabong pag-ulbo didto sa Beirut, Lebanon.

Gipangulohan ang maong initiative sa hepe sa Cebu City Fire Department Chief Inspector Josephus Alburo.

Nasayaran nga adunay nakalas nga napulo ka mga sakop sa bombero tungod sa maong pag-ulbo hinungdan nga gihimo ang kalihukan nga ilang gitawag ug a day to our fallen heroes.

Gipakita sa mga sakop sa kabomberohan sa dakbayan uban sa mga fire volunteers sa kabarangayan nga bisan ug anaa sila sa layo nga bahin sa kalibutan nibati gihapon sila sa kaguol ug lakip usab sila sa nagbangutan.

Usa ka pag-ampo ug pagsaludar lakip ang dungan nga pagpatingog sa tanang mga siren diha sa parian fire stations ang gihimo sa mga sakop sa cebu city fire department ug mga volunteers.

Maoy labing una nga gihimo ang maong kalihukan dinhi sa pilipinas nga naghatag ug pasidungog sa mga sakop sa kabomberohan nga nakalas. (DYARNewsCenter/BC)

Leave a Reply

Your email address will not be published. Required fields are marked *