DepEd -7, 85 porsyento na nga andam alang sa pag-abli sa klase sa Agosto 24

Metro News

Cebu City – 85% na nga andam ang Department of Education (DepEd) 7 alang sa pag-abli sa klase sa umaabot nga Agosto 24.

Kini ang gibutyag ni DepEd 7 Regional Director Salustiano Jimenez base sa mga report nga iyang nadawat sa division offices sa rehiyon.

Suma kang Jimenez nga andam na ang ilang 19 ka divisions sa DepEd 7 alang sa pagbukas sa klase bisan sa nagpadayon ang hulga sa covid-19.

Gibutyag usab sa direktor nga Agusto 20 ug 21 manghatag sila og modules ngadto sa purok leaders aron maoy motunol sa mga tinun-an kon sa ginikanan sa mga tinun-an.

Gidasig usab ni Jimenez ang mga ginikanan ug tinun-an nga mag-uniform gihapon bisan online ang paagi sa klase tungod sa covid-19.

Samtang kutob nalang sa Agosto 15 ang paggamit sa mga tunghaan isip barangay isolation centers ug ipaubos na sa disinfection aron magamit sa mga magtutudlo.

Nasayran nga anaa sa kapin 4,000 ka mga tunghaan sa Central Visayas ang gigamit isip isolation centers lukop rehiyon. (DYARNewsCenter/BC)

Leave a Reply

Your email address will not be published. Required fields are marked *