Gobernador Gwen Garcia negatibo sa covid-19

Metro News

Cebu City – Human nipaubos si Cebu Governor Gwendolyn Garcia sa swab test niadtong Agosto 6, atol sa ika-451 nga anibersaryo sa probinsya sa Sugbo, negatibo sa novel coronavirus disease ang gobernadora base sa resulta sa iyang PCR-test.

Diin ni-post sa ilang Facebook page ang sugbo news sa probinsya sa resulta sa swab test sa gobernador nga nigawas niadtong Agosto 7, 2020 nga nagpakita nga walay nakita o na-detect nga SARS-Cov-2.

Atol sa iyang “message of hope” niadtong founding anniversary gipahibalo ni Garcia nga ang iyang igsoon nga si Barili Mayor Marlon Garcia nakigbatok sa covid-19.

Pipila ka adlaw sa wala pa ang founding anniversary sa probinsya ang managsoong Garcia didto sa Barili alang sa paglusad sa all-terrain vehicle (ATV) adventure didto sa lungsod subay sa pagbukas sa tourism activities sa probinsya sa Sugbo.

Dugang pa niini nga lagmit pipila ka adlaw sa wala pa ilang pagkuyog didto sa barili nakuha sa mayor ang virus ug gi-trace na karon kun asa nakuha sa mayor ang virus.

Hinuon, “Improving” na ang kondisyon ni Mayor Marlon sa kasamtangan. (DYARNewsCenter/BC)

Leave a Reply

Your email address will not be published. Required fields are marked *