Nakarekober sa covid-19 sa Central Visayas mokabat na sa dose mil

Metro News

Cebu City – Mokabat na sa dose mil ang nakarekober na sa coronavirus disease kon covid-19 sa Central Visayas.

Base sa datos sa Department of Health kaniadtong Agosto 11, anaa na sa 11, 948 ang naayo sa sakit human nadugangan og 64 ka pasyente ang nakarekober lukop rehiyon.

Samtang nadugangan usab og 75 ka bag-ong kaso hinungdan nga misaka sa 4, 416 ang aktibong kaso gikan sa 17, 375 nga cumulative total.

Sa mga bag-ong kaso, 23 niini gikan sa Cebu city, 10 sa Mandaue city, 11 sa Lapu-lapu city, 18 sa probinsya sa Sugbo, lima sa Talisay, pito sa Minglanilla, ug usa sa Consolacion.

Sa mga aktibo nga kaso, 1, 237 ang anaa sa tambalanan samtang 3, 179 usab ang sa isolation facilities. misaka na usab sa 1, 011 ang nakalas human adunay duha ang nadugang nakalas sa susamang adlaw. (DYARCorrespondent/ZaiRedula)

Leave a Reply

Your email address will not be published. Required fields are marked *