New Normal Bill aprubado na sa kamara

National News

Cebu City – Aprubado na sa ikatulo ug katapusang pagbasa sa kamara ang House Bill 6864 kon mas giila nga Better Normal for Workplace, Communities and Public Spaces Act of 2020.

Ubos sa maong balaudnon,obligado na ang publiko nga hangtod adunay hulga sa coronavirus disease 2019 (covid-19 mamahimong kabahin na sa ilang kinabuhi sa mosunod nga tuig ang pagsul-ob og face masks,pagtuman sa social distancing ug temperature checks kun anaa sa pampublikong lugar.

Ingonman sa mga pampublikong panagtapok,pagsakay sa mga transportasyon,bisan sa tunghaan ug sa trabaho.

Kun ma-adapt na matod sa publiko ang new normal adunay poruhan nga ibalik na sa normal ang operasyon sa mga negosyo.

Samtang, kun mahimo na nga balaod ,ang bisan kinsang indibidwal nga mosupak mag-atubang sa pagkapriso sa hangtod duha ka buwan kon multa nga P1,000 hangtod P50,000 depende sa polisiya nga gisupak.

Suspensuhon usab ang mga lisensya sa mga establisyimento nga dili motuman sa new normal samtang ang mga opisyal sa gobyerno ug kawani nga mosupak mas bug-at nga silot diin lagmit mapriso og unom ka buwan ug multa nga P50,000 hangtod P100,000. (DYARNewsCenter/BC)

Leave a Reply

Your email address will not be published. Required fields are marked *