Cebu City – Mirehistro na og bakuna batok coronavirus disease 2019 (covid-19) ang nasud sa Russia ug gideklarar na ang kaandam sa paggamit niini.
Gihimug-atan ni Russian President Vladimir Putin nga miagi sa mga test ug napamatud-an nga epektibo ang naasoy nga bakuna nga adunay dala nga dugay nga immunity gikan sa covid-19.
Gipahibalo pa ni Putin nga usa sa iyang mga anak nga babae ang gi-injeksyunan sa naasoy nga bakuna ug naayo na ang pagbati niini.
Gisiguro sa Russian authorities nga lakip sa priority nga ma-injeksyunan sa naasoy nga Anti covid-19 vaccine ang medical workers,magtutudlo ug lain pang giisip nga risk group.
Gitataw usab ni Putin nga dili pinugsanay ang pagpa-inject sa maong bakuna diin ang daghang produksyon sugdan na sa mosunod nga buwan samtang sa oktubre usab gilauman mahitabo ang mass vaccination. (DYARNewsCenter/BC)
