Mga opisyal sa Philhealth nga nalambigit sa gitawag nga mafia pakasuhan og plunder

National News

Cebu City – Buot ni House Committee on Public Accountability Chairman ug Anakalusugan rep. mike defensor nga kasuhan og plunder ang mga opisyales sa Philhealth hangtod sa Regional Level nga giingong nalambigit sa mafia sa ahensya.

Sa pagdungog sa House Joint panel kalabot sa mga anomalya sa Philhealth, gitumbok ni Defensor ang kalit nga pagsaka sa gidaghanon sa claims sa nagdaiyang sakit ug medical procedures nga ginabayran sa state health insurer.

Gikwestyon usab niini ang paspas nga pagbayad sa philhealth sa claims sa pipila ka pribadong hospital samtang dugay usab sa government hospitals.

Ang mga naasoy nga aktibidad matawag nga plunder ug kinahanglan kasuhan ang mga indibidwal nga lakip sa modus.

Kinahanglan usab malakip sa mga kasuhan ang laing pang mga nalambigit nga mga opisyal sa Philhealth.

Una na ang gihangyo ni Defensor nga iundang na ang case rate system tungod pila ka bilyunes pesos na ang nawagtang sa pondo sa Philhealth tungod niini. (DYARNewsCenter/BC)

Leave a Reply

Your email address will not be published. Required fields are marked *