Nakolekta nga basura sa gipahigayong clearing operations sa nahitabong baha sa dakbayan sa Sugbo mokabot sa 140 ka tonelada

Metro News

Cebu City – Moabot sa 140 ka tonelada nga basura ang nakolekta sa Department of Public Services kon DPS sa Cebu City atol sa gipahigayon nga clearing operations human sa nahitabong baha niadtong martes
Suma kang John Jigo Dacua, pangulo sa DPS, nga ang mga nakolekta nga basura gikan sa waterways sa siyudad.

Kahinumduman nga gimando ni Mayor Edgardo Labella, ang pagpanglimpyo sa mga agianan sa tubig human sa nahitabong pagbaha nga mikalas og tulo ka kinabuhi.

Kalabot niini giawhag ni Labella ang tanang bottled water manufacturers nga magbutang og receptacles sa nagkadaiyang dapit sa siyudad

Kini human nasuta nga hinungdan sa grabeng pagbaha sa syudad ang mga basura sama plastic ug empty bottled water nga nakahatag og dakong kontribusyon sa problema sa baha.

Gitataw sa mayor nga gamit kaayo ang receptacles tungod kay magtultol na man unya ang mga tawo sa paglabay sa ilang basura. (DYARCorresspondent/JanRom)

Leave a Reply

Your email address will not be published. Required fields are marked *