Negros Oriental nakatala og usa ka bag-ong nakalas tungod sa covid-19

Regional

Dumaguete City – Gipahiabalo sa Negros Oriental Provincial Health Office nga adunay usa ka bag-ong nakalas nunot sa coronavirus disease kon covid-19.

Suma kang Negros Oriental Assistant Provincial Health Officer Dr. Liland Estacion nga ang bag-ong nakalas usa ka 70 anyos nga lalaki nga taga Guihulngan City.

Ang maong pasyente walay travel history gawas sa lalawigan apan adunay co-morbidity.

Sa kasamtangan nagsugod na ang gihimong contact tracing sa mga nahalubilo sa pasyente. Samtang pikas bahin, adunay trese ka bag-ong kumpirmadong kaso sa covid-19 ang natala sa lalawigan.

Ang bag-ong kaso gikan sa Zamboanguita, Dumaguete city, Tanjay city, Bayawan city, ug Guihulngan city.
Tungod niini misaka na sa 217 ang kaso sa sakit,unom ang nakalas ,183 ang nakarekober ug 28 ang aktibong kaso. (DYARCorrespondent/RoselynCarbonilla/NegrOr)

Leave a Reply

Your email address will not be published. Required fields are marked *