Deadline sa pagbayad sa mga agalon gilugwayan

Regional

Cebu City – Gilugwayan sa PhilHealth ang deadline sa pag-remit sa premium contribution sa mga agalon alang sa bulan sa Enero ning tuiga ngadto sa Pebrero 22, 2021.

Kini isip konsiderasyon sa mga agalon nga wala makagama sa ilang Statement of Premium Account kun SPA tungod sa nasinati nga problema sa koneksyon sa Electronic Premium Remittance System (EPRS) Online Payment Module niadto’ng Pebrero 11, 2021.

Subay sa naandan nga patakaran sa pag-remit sa kontribusyon, ang binulan nga premium sa mga empleyado angay i-remit sa employer kun agalon, ma-pribado man o gobyerno, sa sunod nga bulan suba’y sa ulahi’ng digit sa ilang PhilHealth Employer Number (PEN).

Ang mga agalon nga duna’y PEN nga mitapos og 0 ngadto sa 4 angay maka-remit sulod sa ika-onse (11th) ngadto sa ika-kinse (15th) nga adlaw sa sunod bulan, samtang ang mga agalon nga duna’y PEN nga motapos og 5 ngadto 9 angay mo-remit sa ika-16th ngadto sa ika-20th sa mosunod nga bulan.

Dugang pa, gisubli pag usab sa PhilHealth nga ang tanan nga mga agalon gikinahanglan nga mopakita og Statement of Premium Accounts (SPA) panahon nga mobayad sa ilahang premium contributions ngadto sa bisan asa nga PhilHealth Local Health Insurance Office o sa mga Accredited Collecting Agents.

Leave a Reply

Your email address will not be published. Required fields are marked *