Japanese national na biktima ng kidnapping, nailigtas sa Bulacan

Isang Japanese national na biktima ng kidnapping ang nailigtas ng mga tauhan ng PNP-Anti Kidnapping Group (PNP-AKG) sa Plaridel, Bulacan.

Ayon sa PNP-AKG, nailigtas ang biktimang si Yuji Nakajima matapos dukutin ng kapwa Japanese na si Miyashita Takashi sa kanyang tinutuluyang hotel sa Ermita, Maynila.

Naaresto naman si Takashi na umano’y pugante sa Japan at dalawang kasabwat nitong Pinoy na sina Roberto Reyes at Reggie Reyes.

Marso a-bente kwatro nang dumating sa Pilipinas ang biktima kasama ang isang Yusuke Obara.

Pinaghahanap na ng mga otoridad si Obara na hinihinalang mastermind sa pagdukot.

Leave a Reply

Your email address will not be published. Required fields are marked *