BOLUNTARYONG sumuko sa militar ang pitong miyembro New People’s Army.
Ang mga ito ay napabilang sa Guerilla Front 14, Northeastern Mindanao Regional Committee ng NPA sa Agusan del Sur.
Kinilala ang mga sumuko na sina Lita Pau-As Cristobal, Rudelito Calderon Cristobal, Jhon Fuentes Subla, Leo Rosas Amper at Roldan Rocero Pau-As.
Kabilang din sa sumuko ang vice leader ng Squad Caloy na si Aurillo Rocero Pau-As.
Ganundin ang vice leader ng Squad Baking na si Marito Rocero Pau-As.
Kasamang isinuko ng mga rebelde sa Bravo Company, 75th Infantry Battalion ng Philippine Army ang kani-kanilang mga armas.
